فضيحة زين - لازم تتثبت للأهميه
|
سلاااااااااام شلة
ما راح أطول عليكم
أنا صحفي متنكر .......... حلوة ..صح
في مشاكل كثير عندكم يا موظفين زين ....... قصدي ياللي انضحك عليكم وصدقتو انكم موظفين محترمين في زين والموضوع هذا للي ذكرتهم بصفة خاصة وللي يفكر يتوظف في زين وللمسؤؤلين في البلد الله يعزها ويعز أبو متعب اللي ما يرضى الظلم على أبناء بلد الخير اللي لحم أكتافنا من خيرها بصفة عامة .
بلدنا هذي بلد غنية جدا جدا ... عشان كذا يطمع فيها عيال الحرام
كلنا سمعنا عن النصبات الجامدة اللي حصلت في السعودية .... مساهمات عقارية .. سوا .. أسهم .. بترول .. حديد ........ تخيلوا آخر نصبة وش هي ................................
زين عالم جميل
شلة الفلص اللي فيها سارقينها بقووووووة بشكل محترف يمشي على النظام والجهات المسؤؤلة بشكل عجيب .. والمتضرر الوحيد من هذي العملية ((( أنتم )))
بتقولون مجنون .... أنا أقول لكم ما في مشكلة لكن عندي الدليل على جناني هذا ....
حرامية زين يستغلون نظام وزارة العمل في نصبهم واحتيالهم ... كيف ؟؟؟؟ - المادة 71 : وزعوكم على شركات كثيرة عشان تدخلون فترة اختبار كذا مرة عشان يقدرون يفصلونكم على كيفهم
- المادة 75 : ضحكوا على زملاكم اللي فصلوهم انهم العيب منهم ( ما عدوا الاختبار ) عشان الواحد يقعد يفكر وتروح عليه مهلة تقديم التظلم لمكتب العمل .
- المادة 86 : لا يحلم إذا استقال من شغله انه يحصل على شهادة خبرة من زين .
- المادة 87 : ضحكوا على زملاكم اللي فصلوهم وعطوهم المستقطع للتأمينات على انها مكافأة نهاية خدمة ((( والله شي عجيب !!! ))) .
- المادة 91 : بدرجاتها أ- ب – ج – اتحداكم لو شي منها قاعدين يطبقونه بالعربي .. ((( شوفوا لكم حل ))) .
- المادة 95 : سمعت انهم عطوكم بطاقات ما لها داعي عشان تحسون انكم أوادم والحقيقة ان البطايق هذي ما تخدمكم في أي مكان اذا طلعتوا للشارع حتى معلم الشاورما والبروستد معه بطاقة أطلق منها .......هههههههه .
- المادة 96 : درجة هـ لو كان فيه أمل أساسا انكم موظفين محفوظة حقوقكم كان نفذوا البند المذكور وهذا دليل انهم محتاجينكم فترة مؤقتة وبعدين باي باي يا لندن كلن يعود بيت اهله .
- المادة 119 : درجة ب ضحكوا على زملاكم اللي نقلوهم على الشركات وصرفولهم أقساط التأمين ((( يعني ما سجلوهم في التأمينات ))) وهذي بحد ذاتها جريمة ممكن تقفل الشركة بالشمع الاحمر .
- المادة 124 : لا حد يضحك عليكم هذي حقوق لكم ما صدقة ولا اكرامية غصبن عن اطلق شنب تاخذونها من عيونهم .
- المادة 147 : والله انهم كادينكم كد وانتوا بكرامة ويعاملونكم زي البنقالة... انتبهوا .
- المادة 149 : يوم الجمعة اجازتكم لا حد يضحك عليكم .
- المادة 150 : ما اعتقد انكم في اي حالة من هذي الحالات .
- المادة 151 : تأكدوا من الاوفر تايم لا حد يسرق تعبكم .
- المادة 154 : فيه شركة اسمها ركيزة عينتكم عليها ونقلتكم على شركات ثانية طالبوها بقيمة اجازاتكم للي ما اخذ اجازة قعدتكم في البيوت كانت منهم مو منكم ... حقكم لا يضيع .
هذي مساهمة بسيطة مني لكم عشان تفهمون وضعكم وكل واحد يعرف وش له ووش عليه وأعدكم بالجديد عشان بلدنا هذي ما تصير مرتع للنصابين والحرامية ... لو انهم عيال الديرة بنقول أخواننا بكرة يتعدلون لكنهم أجانب لاعبين عليكم قال ايش ؟ قال عالم جميل .... الصراحة صادقين حنا شعب مسكين يجينا الواحد مشخص نخاف على طول ونثق فيه وهذا سبب تخلفنا
انتبهوا على نفوسكم يا شباب ووصلوا الموضوع لكل من يخاف الله ..... والسلام ختام |
آخر تعديل بوابة زين التقنية يوم 02-08-2008 في 05:20 AM.
|
العرض العادي
