تجربة مع أول يوم زين بالتفصيل الممل

الأخوة الأفاضل
تحية طيبة

*****************************
الساعة تقريبا 1.05 بعد الظهر
أول ما خلصت الدوام توجهت إلى أحد فروع شركة زين في الدمام
لقيت المكان هادي ومفيش زحمة ولا حاجة بس في ناس بتتوافد مش كتير بس الواضح على وجه كل واحد اللهفة وإنه جاي مسرععشان يلحق العرض واعتقاداً منه إن فيه زحمة في الفرع

المنظر العام
مكان صغير نوعا ما -- هادئ جدا أربع موظفين للمبيعات + موظف استقبال

توجهت إلى موظف الاستقبال
بسم الله ما شاء الله بشوش جدا وأسلوبه جميل بالإضافة هو اللى سألني قبل ما أسأله
فقلتله الخط المسبق الدفع
فقال سعرة 100 ريال وفيه رصيد 100 ريال
أعطاني الاستمارة وملأت الاستمارة وبعدها نادي عليا برده موظف آخر كان فاضى
قلي مليت الاستمارة قلتله أيوه مسبق
كان عنده 5 أرقام تقريبا سمح ليا الاختيار بينهم
((( بس بيني وبينكم كان باين عليه الارتباك جدا ،،، لدرجة إنه خلص كل حاجة وقالي ثواني ودخل جوة غرفة خاصة بالموظفين ورجع اداني الخط والعقد // ومسألنيش عن الفلوس ___ وبعدين لما طلعتله 100 ريال قاللي ثواني وسأل موظف آخر قاله الدفع فورى )) وخد الفلوس بدون سند قبض وحطها في جيبه ؟؟!!!!!
المهم اديته 100 ريال وسألته بالنسبة لعرض شهر وشهر
قاللى يتصلون فيك إن شاء الله
قلت زي بعضه

وبعدين طلعت في دماغي أخد خط فاتورة
توجهت إلى موظف الاستقبال
بسم الله ما شاء الله بشوش جدا وأسلوبه جميل بس المرة دي أنا اللي سألته
الخط الفاتورة
قاللى 45 ريال والاشتراك الشهري 45 ريال
أعطاني الاستمارة وملأت الاستمارة وبعدها بس المرة دي رحت لنفس الموظف
اديته الاستمارة وسألتهممكن اختيار الرقم
قاللى إحنا اللى بنحدد الرقم عشان الشريحة مش عليها رقم

المهم تمام وعند الدفع لقيت في جيي 43 ريال فقط
رحت صراف جنب الفرع -- بس الصراف زعلان
أقوله يا عم اديني 100 ريال يقولى الرصيد غير كافي راجع الفرع
بعد 3 مرات قلتله اديني 500 ريال قالي اسحب البطاقة وخد الفلوس
((( حتى الصراف الآلى مرتبك )))
المهم

رجعت له وبعدين باديله 100 ريال قاللى ماف صرف أنا مش معايا غير 100 ريال اللى انت ادتهالي ثمن الخط الاول
المهم قاللى معاك صرف قلتله معايا 43 ريال فتفضل مشكورا وطلع ريالين من جيبه الخاص وكملهم 45 ؤيال فقلتله أنا هارجعلك بالريالين قاللى خلاص __ اتعازمنا شوية __ وجزاه الله خير

خد الخطين ورجعت البيت
(((( راجع بالغنيمة طبعا )))

ركبت الشريحة مسبقة الدفع
بسم الله ما شاء الله الشبكة كاملة بس الاتصال ممنوع
المفروض اتصل على 1717 عشان أفعل الخط يقولي ممنوع
استعلم عن الرصيد
يقولى لازم إجراء أول مكالمة
المهم اتصلت على 959 رد في ثانيتين
وبصراحة قمة الأدب والزوق والأخلاق وكان فاضل شوية ويشيلني على راسه
ستمع لشكواي وكتب طلب واداني رقمة وبعتلي رسالتين بالعربى والانجليزي برقم الطلب

بعد 15 دقيقة وصلني اتصال من رقم 0590000959
أنا فلان مساك زين
بصراحة مش عارف الرد عليها ايه :: قلتله مساك خير
قاللى بالنسبة للطلب بتاعك انت تراجع الفرع اللى انت شاري منه الخط يفعلوه قلت ماشي

سألته عن شهر وشهر قاللى انت بالفعل داخل العرض و ما في غير العرض ده حاليا ولما يكتمل العدد هتينزل العرض التالي

المهم خلصت المكالمة

وقلت ألحق قبل الدوام التاني أصلي العصر جنب الفرع وقد كان والحمد لله

دخلت لموظف الاستقبال فاكرينه فوق بتاع بشوش جدا وابتسامته والكلام ده
بس كان واضح إنه مل الشغلانة فلسه بسأله الخط مش بيتصل رد بصوت مش قد كده الخطوط كلها هتتفعل بكرة

قلتله جزاكم الله خيرا
السلام عليكم ومشيت

وطبعا الخطين زي قلتهم لحد بكرة
وبكرة هاوافيكم بالجديد إن كنت من أهل الدنيا

وجيت الدوام وقلت أكتبلكم الوضع
وأشوف ردكم بس أتمنى اللى يرد يقرا الموضوع كويس ودا لو فاضي طبعا

وجزاكم الله خيرا

والسلام عليكم ورحمة الله وبركاته